Хятадын цэрэг, батлан хамгаалах бодлогын өөрчлөлт ба “Бүс, зам” санаачилгын харилцан хамаарал

Abstract

БНХАУ нь нэг дэх 100 жилийн ойгоор цэцэглэн хөгжсөн нийгмийг бүрэн байгуулах, хоёр дахь 100 жилийн ойгоор баян, хүчирхэг ардчилсан соёл иргэншилтэй, орчин үеийн социалист улсыг байгуулахаар зорьж байна. Энэ нь Хятад үндэстний агуу их сэргэн мандалтад хүрэх мөрөөдөл бөгөөд хэрэгжүүлэх гол стратеги нь “Бүс ба зам” санаачилга болон хүчирхэг зэвсэгт хүчнийг байгуулах явдал юм. “Бүс ба зам”санаачилгын хүрээнд хэрэгжиж буй томоохон төслүүдийн нэг нь Африк, Европ тивийн улс орнуудыг далай тэнгисээр холбох “Далайн торгоны зам” төсөл юм. Энэхүү төслийн хүрээнд тус улс гадаад далай дахь геостратегийн ач холбогдол бүхий газруудад бүтээн байгуулалт өрнүүлж, дэд бүтцийг хөгжүүлэх замаар “хилийн чанад дахь дэмжлэгийн систем” байгуулан, гадаадад цэргийн ажиллагаа явуулахад дэмжлэг үзүүлэх олон төрөлт үүрэг зориулалт бүхий ар тал хангалт, дэмжлэгийн “цэг” байгуулахыг эрмэлзэж байна.