Монгол дахь японы философийн судалгааны тойм

Abstract

ХХ зууны эхэн үеэс Японы философич эрдэмтэд дэлхийн философийн онолыг янз бүрийн хэлээрх эрх сурвалжид тулгуурлан судалж, өөрсдийн онцлог бүхий үр дүнг олон улсын түвшинд толилуулсаар байна. Японы философичид өөрийн оронд Хятад, Энэтхэг, Солонгос, барууны философийн ололтыг түгээдэг. Тэд бусад орны философичдын үзэл санааг баяжуулах замаар философи сэтгэлгээний түүхээ хөгжүүлсэн юм. Японы философи гэж ойлголт бол хүн төрөлхтний сэтгэлгээний түүхийн бүтээлүүдэд хэдийнээ багтаж танил болсон бөгөөд философийн нэвтэрхий толиудад ч түгээмэл тусжээ. Тус илтгэлд манай оронд эхлэл төдий байгаа Японы философи болон ёс зүйн судалгааны тоймыг авч үзэхийг хичээсэн болно.